Spaisteoireacht Samhraidh 2021
Fearaimis fáilte romhaibh teacht ag Spaisteoireacht linn an samhradh seo agus spraoi a bhaint as gleannta, cnoic agus cóstaí na hÉireann. Bíonn siúlach scéalach!
- Pioc siúlóid Ghaeltachta agus amach libh ag spaisteoireacht leis an teaghlach.
- Roinn bhur gcuid radharcanna linn, ar na tránna, easanna, aibhneacha ‘s locha, ar na sléibhte, coillte ‘s cruacha, ar na gleannta, cnoic ‘s portaigh, agus gan dabht… seoil ‘féinín den teaghlach’ chugainn chomh maith!
- Cuir ainm an teaghlaigh leis na pictiúir.
- Cuir ainm na siúlóide agus na Gaeltachta chomh maith.
- Seol chugainn iad ar WhatsApp go (087) 246 1685 roimh an… 16 Lúnasa 2021.
- Roinnfear bhur gcuid pictiúir ar na meáin shóisialta #spaisteoireacht agus cuirfear in airde iad ar tuismitheoiri.ie
Bainigí súp agus pléisiúr as ár dtaiscí galánta áitiúla, ach ná fág bhur lorg orthu!
Muintir Mhic Dhonncha, An Coinigéar
Ag spaisteoireacht ar an gCoinigéar (An Chois) i Rinn Ó gCuanach i nGaeltacht na nDéise, stráca fada caol talún ag gobadh amach sa bhfarraige ón Rinn chomh fada, geall leis, le Dún Garbhán agus Dún na Mainistreach. Seo mar a théadh na daoine go dtín mbaile mór fadó, shiúlfadh siad chomh fada le pointe na coise agus bhíodh bád ar fáil ansin chun iad a thabhairt isteach go dtí Dún Garbhán. Tá an nath cainte ‘ag dul anonn’ fós sa chaint sa Rinn! Tá feirm oisirí sa chuan agus an tráigh lán de shliogáin na n-oisirí. Chonaicíomar sliogáin ruacain, diúilicíní agus sceana mara chomh maith.
Muintir de Brún Uí Fhlaithearta i gCeann Iorrais.
Siúlóidí Gaeltachta i Maigh Eo. Chaith Muintir de Brún Uí Fhlatharta saoire in oirthuaisceart Mhaigh Eo le déanaí is bhíodar ag siúlóid i gCeann Iorrais, is Ceann an Eanaigh i mBéal an Mhuirthead. Chuaigh Muintir de Brún Uí Fhlatharta go Iorrais freisin agus bhain siad an sult as an trá álainn is an siúlóid breá ansin ag Ceann Ramhar sa cheantar i nDumha Thuama i nGaeltacht Iorrais.