Bhunaigh Tuismitheoirí na Gaeltachta agus Oifigigh Pleanála Teanga Tóraíocht Taisce le linn 2020, chun teaghlaigh a spreagadh le súp, sásamh agus pléisiúr a bhaint as taiscí agus iontaisí an dúlra mórthimpeall orthu. Féach ar thoradh na hoibre anseo, ó Ghaoth Dobhair ó thuaidh agus Baile an Sceilg ó dheas go Ráth Chairn glas na Mí.
Taibhsí agus púcaí beaga ag baint sult agus spraoi as Oíche Shamhna le linn Oireachtas na Gaeilge i gCill Airne. Bhí ana-chraic go deo ag na teaghlaigh i rith na hoíche, ag an Tae Beag agus an Comórtas Bréagfheistis a d’eagraigh Tuismitheoirí na Gaeltachta tamall de bhlianta ó shin.
Cocaireacht
Seisiún cócaireachta le tuismitheoirí agus a gcuid leanaí ar an gCeathrú Rua, agus féasta boilge ina dhiaidh. Nach méanar do na leanaí deis cócaireachta a bheith acu i dteannta le comhluadar breá agus na blaisíní deasa a ullmhú agus a roinnt lena chéile ina dhiaidh.
Drámaíocht
Mol an óige agus tiocfaidh sí. Níl aon dabht ach go gcabhraíonn an drámaíocht leis an óige, lena bhforbairt pearsanta agus le muinín a chothú gan trácht ar deis spraoi agus siamsaíochta a chur ar fáil. Cuir ar stáitse í agus bláthóidh sí, faoi mar a léirigh an dráma seo i gConamara!
Siamsán
Dathanna, scáthanna agus boladh breá péinte ag siamsáin den tsórt seo.
Baineann leanaí ana-thaitneamh go deo as na himeachtaí seo – maireann croí éadrom i bhfad.
Sorcas
Nach mór an spórt agus spraoi a bhí ag na leanaí nuair a tháinig lucht an tsorcais ar an mbaile.
