Beidh an ócáid Cuideachta ag an Oireachtas do theaghlaigh Ghaeltachta ar bun óna 4.00-6.00 Déardaoin an 3ú Samhain ’22.

Mar chroí an cheiliúrtha beidh mórsheisiún ceoil do dhaoine óga againn agus leis seo tugtar cuireadh do cheoltóirí óga ó na ceantair Ghaeltachta éagsúla bheith páirteach linn.

Ócáid neamhfhoirmeálta spraíúil a bheas ann, beidh neart le n-ithe agus le n-ól agus beidh geansaithe speisialta ar fáil dóibh siúd a bheidh páirteach. Bígí linn!