Beidh an grúpa teaghlaigh i gceantar LPT Thuaisceart Dhún na nGall atá cláraithe leis an Chlár Cuideachta ag teacht le chéile den chéad uair ar an Satharn 15 Iúil ar na Dúnaibh.

Is ceantar an-fhairsing agus scaipthe é LPT Thuaisceart Dhún na nGall agus bheirfidh an teacht le chéile deis do na teaghlaigh aithne a fháil ar a chéile agus iad uilig ag tógail a bpáistí le Gaeilge.

Beidh ócáidí taitneamhacha spraíúla á n-eagrú ag Oifigeach Forbartha Thuismitheoirí na Gaeltachta i nDún na nGall le comhoibriú ón Oifigeach Pleanála Teanga ins an limistéar agus cuirfear pacáistí ar fáil do na teaghlaigh chomh maith.
Ábhar áthais dúinn go bhfuil an oiread teaghlaigh cláraithe.